So-net無料ブログ作成
検索選択

Konkursoj por Zamenhof-festo [raporto]

 Hodiaŭ mi ricevis leteron de miaj rusaj geamikoj.
Ili lanĉis du konkursojn ligitajn al Zamenhof festo. Mi opinias,ke antaŭ ĉio mi devus sciigi tion al miaj geamikoj . Kaj mi afiŝas ĝin sur ĉi tie.
Ili estas tre fervoraj E-istoj kaj eldonadis gazeton ' KOMENCANTO ' dum dek jaroj.


Karaj geamikoj!

Laŭ la bona Movada tradicio festi ĉiujare decembre Zamenhof-feston, en urbo Jekaterinburg (ĉefurbo de Urala regiono de Rusio) ankaŭ kunvenas esperantistoj de nia regiono por kune festi la Zamenhof-tagon. Ĉi-jara preparado al la festo jam komenciĝis. Ĉe la organizantoj aperis ideo lanĉi du konkursojn, ligitajn kun Z-tago kaj ni invitas vin aktive partopreni ilin!


1. Letero al Ludoviko Zamenhof

Tiun ĉi konkurson ni invitas partopreni ĉiujn verkemulojn! Aktivigu vian imagon, fantazion, kreemon kaj provu skribi leteron al aŭtoro de Esperanto!

Elektu mem, en kiu ĝenro ĝin verki: ĉu en proza, poezia, humura aŭ alia. Ankaŭ enhave leteroj povus esti variaj: eble vi dezirus turni vin al la Majstro kun iu peto, aŭ rakonti al li pri iu interesa E-evento en via urbo (lando), aŭ komuniki, kial vi ekŝatis kaj lernis la lingvon, eble vi simple volus danki lin ktp. Se la ideo plaĉas al vi, ne hezitu sendi vian kontribuaĵon al ni laŭ la jena adreso: zamenhof-konkurso@mail.ru

Limdato de sendo estas la 16-a de decembro 2010.

La plej interesaj leteroj estos publikigitaj kaj aperos en E-paĝaro de nia regiono. Aŭtoroj de tri la plej sukcesaj leteroj ricevos premiojn de la organiza komitato.


2. Foto-konkurso Zamenhof kaj mi

Se vi ŝatas foti, se vi scipovas kapti kaj haltigi momentojn por la sukcesa foto-bildo, ni proponas al vi nepre partopreni tiun ĉi konkurson de fotoj!

La fotoj povus montri ne nur vian propran vidon de L.Zamenhof, sed ankaŭ prezenti vin mem apude. Bonvenas fotoj koloraj kaj nigra-blankaj, seriozaj aŭ ŝercaj. Akcepteblas ankaŭ video-materialoj. La plej interesaj fotoj eniros la retan foto-albumon, dediĉitan al Z-tago kaj 3 elektitaj de nia ĵurio fotoj ricevos premiojn de la organiza komitato.

Se vi subtenas nian ideon, bonvolu sendi vian kontribuaĵon laŭ la jena adreso:

zamenhof-konkurso@mail.ru

Viaj kontribuaĵoj por la konkursoj estas bona okazo partopreni nian aranĝon dum ĉi-jara Z-tago en Jekaterinburg, eĉ se vi mem ne povos veni kaj ĉeesti ĝin!

-

Organiza komitato de E-renkontiĝo en Jekaterinburg (Rusio)

nice!(0)  コメント(0)  トラックバック(0) 

nice! 0

コメント 0

コメントを書く

お名前:
URL:
コメント:
画像認証:
下の画像に表示されている文字を入力してください。

トラックバック 0

この記事のトラックバックURL:
※言及リンクのないトラックバックは受信されません。

この広告は前回の更新から一定期間経過したブログに表示されています。更新すると自動で解除されます。

×

この広告は1年以上新しい記事の更新がないブログに表示されております。